因為朋友仔好想影遊艇，所以join 了 Mona Lisa，package 價錢唔貴，join的時候再減了$2000，而且我地可以要求大、細相簿唔同相，大相簿免費加珍珠面，package的相仲加至42張，選衣服唔限款。

在影相前一星期，我已經請 sales 替我 reserve Lilian/ Irene作我的mua，及Kelvin 作攝影師，這些資料都是從網上得知的，我自己就冇朋友用過。由於我唔想俾錢hold他們，所以sales 建議盡量為我安排，如果有人同樣hold他們時，我才決定要不要付錢hold他們。結果到今天影相日，她真的為我安排了 Lilian 做我的MUA，Kelvin做攝影師，而Joe 做他的助手，那天真的是perfect match、 perfect crew 的一天。

早上八時多，我倆已經在葵芳吃過早餐，早餐一定要吃，如果唔係一定冇神冇氣咁影相，咁又點會靚喎。九時正，我倆準時到達珀麗灣影樓，只見大閘關上，起初還以為我們弄錯了時間，但不一會就有一個工作人員返來開閘，她請我們先入內，說Lilian 好快就到，我都明白既，始終入珀麗灣的交通係比較難預的。我地開了locker放好我們帶來的物品，好在我們沒有拿喼去，因為佢地的 locker 係standard 長方形窄身的locker。

好快Lilian就到了，我一看她我就明白她是那一種style的人，佢係一些好有style，有個性的女仔，我懂得與她相處，網上有些人說她很 cool、說話難聽，我想是人夾人的，只要互相尊重就可以了，MUA當然想你靚架啦，佢地係 professional 知道怎樣的hair style 或者 make up 適合你，多聽又何妨，有時自己鍾意的款未必合自己或者合你條裙及整體的look架嘛，所以多聆聽別人的意見再想想就最好了。其實佢都好nice 好好人。

開始的時候，Lilian 帶我到化妝的位置，好在我早有準備穿了一件大領的衫，所以待會換衫的時候不會弄亂make up及髮型，Lilian問我試左妝未，知唔知化出來的效果係會濃一點但影相的時候就好正常，我說我知道。Lilian 好小心的睇我弄眼妝，我大細眼自己都唔覺，佢講我先覺，佢仲細緻到說我眼珠都一大一小，所以畫eyeline都要唔一樣，我一聽我就知佢有自己的 points，我好放心將自己的造型交給她，其實在影相日之前佢有study 過我的面形及幾時穿那一條裙的，唔係臨時才想怎樣的style才合我。我跟她說我沒有preference，請她替我想今天的所有造型，佢問我eye shadow 想要咩色，我說我想要自然一點，不要太colourful，佢替我化得好自然呢，唔會唔認得自己，我見其他人的眼妝真係嚇死，居然漸變啡至眼眉位，sorry 我唔識欣賞囉。化完妝，佢問我知唔知自己兩邊面唔同樣，我說我知道左面靚D，佢都話係呀 ! 我覺得今日有 Lilian 幫我化妝確實是好運得很 !!

第一個look係出遊艇的，我條裙有些希臘女神feel，她替我放了少少頭髮出來，佢話不要放得太多，如果唔係會遮左條裙，我都好同意，化好妝，我覺得自己個輪廓sharp左好多，我男朋友見到都即刻話化得好靚，我最喜歡她替我劃的眉型。化好妝就換衫了，換衫的妹妹好好人，教我怎樣穿好 girdle、nu bra 及修肚腩的褲，換好衫，Joe 就出來自我介紹及替我倆拍造型照，我問他我應該穿什麼鞋出海，佢話拖鞋就ok 了，Joe 好 funny 架，全日佢都好helpful，點helpful 法就睇埋落去啦 !

接著 Kelvin 就出現啦，說看了我地的造型照覺得冇乜問題，又問我知唔知自己那一邊面比較好看，我說左邊囉，佢話係呀，但兩邊面都會影，左邊就影多少少，再問我地有冇咩問題，乜問題我地就可以出發啦，Kelvin好高架，好似第一届港男呀高先生架，好彩佢夠高咋，如果唔係就全程低角度影我男朋友架啦，這一點又係好好彩合我地的situation，之前都冇想起這個問題。

ML安排了一輛七人車，我倆 + Lilian + Kelvin + Joe 及司機一齊出發，一路上 Kelvin 主動跟我們傾計，問我地有咩特別想影，有咩最唔鍾意影，又了解下我地的平時的喜好，起初對著一個陌生人溝通都覺得怪怪地，但好快就熟落啦 ~ 我地告訴他想影多些郊外的景色，喜歡自然多一點，唔鍾意扮落雪的effect相。佢聽了都笑了一笑。

先到達北潭涌郊野公園，下車的時候，Kelvin 提我們是須要行一小段路仔既。Joe 很好人，替我們揹水及拿花球，又提我們唔好踩 "紙"，其實佢成日都幫我地拿花球。正值中午時份，天氣很好，有好美的太陽，不太熱，有風，我地真的很幸運呢，遇上這麼好的天氣，前天還下著大雨。 Lilian 揹著一個袋，起初我以為係補妝的物品，但原來裡面有很多東西架，一下車，佢就拿傘子出來擋太陽，仲預備多一把傘給我們呢，佢看見你開始冒汗，拿了一大卷廚房用的紙巾出來給你印汗，用那些紙巾印汗真的比平時的紙巾好好多，他們笑說這是專給男仔用架。我比較惹蚊架，影了2-3張，我就開始"痕" 了，Lilian 即刻拿出花露水給我噴，說可以驅蚊的，見我被蚊咬，又給我無比膏，真的好主動幫我、好好人架。

每一個pose，阿Joe都親自示範，又解釋怎樣企等等，叫我們小心地方"跣"，又扶我上上落落、又次次幫我放裙尾。影了一會，我地就乘車往碼頭啦。司機叔叔離遠見我地行緊出公園，就駛前少少架車，唔使我地行咁多架。

出碼頭的時候，Lilian 就call 定快艇等我們，Kelvin 就讓我們看看先前拍的相片，我們已經覺得拍得好好啦，完全怕到好開心的感覺，唔係淨係普通拍二人照咁，Kelvin 即刻笑說，咁你地就大件事啦 ! (佢講緊買相呀 !!)。到達碼頭，快艇駛至，Joe好小心扶我上船，提我扶邊度就最安全，Lilian 叫我坐最前，坐的時候個頭要低過擋風玻璃，唔好吹散個頭喎，佢地個個真係好好人，好快我地就到達遊艇啦，船上已有3pairs 新人影緊相，Lilian 先替我倆補一補妝，天空放晴藍天白雲實在太美，Kelvin 說執相時都唔使幫你地加藍天白雲，真係好好天呢，又唔熱。今天ML得我倆出海影相，其他新人係另外一間姐妹公司的，我見其他 lighting assistants 坐在船尾傾計、食煙，而阿Joe 就跟我們走均船頭船尾，教我們擺pose，又不停叫我們笑多d，又講笑話引我們笑，例如老公引下老婆笑多d啦，吹下佢耳仔啦，又話..嗱一齊望住果個島啦，係呀係你老公買俾你架等等，令整個過程及氣氛很愉快、很smooth。Kelvin 亦好專業，每當Joe 執緊我地pose的時候，佢已經睇緊我地有冇瑕疵，假如你的領有冇反起左，又或我有冇走光等等，如果我的頭髮貼近我口邊，佢又會話 "女仔有hand free 呀 !" Joe 又會幫我放好頭髮，你的眼鏡跌低少少，佢又會叫Joe 托一托佢，總之佢睇瑕疵睇得好快，咁即係我地既相好多都影得好好。有時候你影緊單人的時候，我見他每一次都睇下個效果，仲即刻放大張相睇真d表情架，手勢很快很純熟 。Kelvin 係管器材架，所以對每一部機的操作都好熟。

影完遊艇，我地出發返回珀麗灣，Joe 問我地食乜野，幫我地叫定外賣。回到珀麗灣，以為我可以休息一下，但原來即刻要換衫、set 頭及補妝，Lilian 著我在set 頭時食飯盒，所以order 炒飯之類的食物會比較方便食。Lilian 每一次都係拆哂成個頭，重新再set 過架。今次佢睇下放多些頭髮出黎，加上我帶去既絲花頭花，佢會問過我先剪我既頭花，因為佢怕我是問朋友借來的，我叫她隨便剪 。

在珀麗灣有好多人選衫的，她們看見我的A-line裙，不約而同指著說好看。我見其他新娘都只選 low cut 及散的裙，其實我覺得你選些高貴的款，攝影師相對拍一些同feel的相給你囉，個個都係 low cut 散裙腳的款，影出來未覺得同其他一樣囉，好彩我有一個有taste的朋友陪我一起選衫，選了很多合我的裙給我，我以為好看的原來都不合我, haha ! 換了衫，我又問阿Joe 我穿什麼鞋，佢擺一擺我裙腳，說我繼續穿拖鞋都ok，而且佢話馬灣公園好多木板，我穿拖鞋會舒服些。我地出馬灣公園及沙灘影相，Joe 又記得我惹蚊，提我再噴蚊怕水，因為佢話馬灣的蚊仲惡 !! 連腳趾都噴埋呀, haha !!

影完沙灘，我地返回室內洗腳。接著，我又換衫、set 頭及補妝。今次開始影INDOOR，我條裙係大拖尾。Lilian 提議梳髻，問我試妝有冇試過，我說沒有，因為梳起哂d頭髮，塊面會好肥，佢話唔會，幫我梳一個拉長面型的髻。好好好開心呀，其本佢幫我set 的每一個look我都非常滿意，這個梳髻的look 更是喜愛，加上頭紗及手套，Lilian 大聲說我個look 可以即刻去行church，個個化緊妝的新娘都望下我，haha，試衫的人都望住我呀，那一刻我都覺得自己好靚呀，Joe 又替我影造型照，影完我都冇等佢問我問題點填，我就已經答非常滿意，佢地都哈哈笑呢 !!
到最後的晚裝Look啦，天色晴朗下青馬大橋的夜景實在好靚，Lilian 說青馬大橋是在 7時亮燈的。影了一會，Kelvin 叫我們落沙灘，影了一些扮玩小煙花的相，佢仲幫我地玩light printing 的，我見其他新人都冇咁影既，基不上咩景都給我們影哂了，影light printing 的時候，佢地仲不厭其煩的幫我地最少試了七八次，佢地平時冇幫人咁影架，所以要諗下點影喎，haha !!

今天真係好愉快的一天，天時地利人和都合，攝影師及助手的風趣令我們真心的笑出來，照片才能拍出我們開心的神髓，化妝師對客人的了解，令她輕易地帶出我的輪廓及美貌。暫不論照片質素如何，他們已經帶給我倆一次愉快的經歷及美好的回憶，這個回憶是一輩子的，很感謝他們的熱誠及幫助呀，謝謝 !!

優點:衣服、服務態度、送貨服務
第二輯婚紗相係蒙羅麗莎影。佢地既衫老實講種類同款都比芝柏多同靚，而且有兩個人幫人試衫，試衫速度好快，但又唔會催你。果日係lilian幫我化妝,frankie幫我影相，佢地既服務態度都好好，好認真。另外，因為我影既係遊艇套餐，佢地既交通安排都令我好滿意。仲有，佢地有送貨服務，唔洗自己拎到死死下。

缺點:相片特效
我始終喜歡自然一0的。雖然大家都喜歡呢輯相，但我始終覺得呢輯相個妝有0的假，同埋相片0的色鮮艷得黎有0的假。

珀麗灣嘅 Mona Lisa Bridal Salon
即係蒙娜麗莎呀，影婚紗相嗰度呢．．．
話說上年我地 book 完大舞臺擺酒，知道有張 coupon

二話不說，就越洋打咗去 Monalisa 問吓嘢，問吓問吓就 book 埋
跟我地嗰個係 Carrie Chan！雖然朋友話佢送嘅嘢唔多，但係佢都幾好服務呀
我地三月尾試衫同影相！佢地員工啲服務態度令到我地好滿意呢

到影相嗰日都好 OK，化妝係阿 Kit，影相好似叫 Edmund？助手 Jason？

我有三套衫，兩套係婚紗！老公都有兩套，一黑一白！
我地先去馬灣公園影，初時好唔慣，係咁比個攝影師寸我
講真，初頭我都忟忟地㗎，啱啱先開始咋喎
不過後來越影越順先好啲！最主要話我笑得唔燦爛，哈哈

之後影海灘同青馬大橋！接住換第二套婚紗，影 蒙娜麗莎 自己啲場
都係公仔房呀，波波房呀，園林景呀，吧枱呀，梳化呀等
仲出咗去影吊櫈呀，搖搖櫈呀，窗門等等
晏啲出外景，換咗套晚禮服去迪欣湖影相！

返去珀麗灣食個飯盒，就影埋海灘同青馬大橋嘅夜景
我地非常滿意佢地嘅服務呀！係呢，點解我當時唔試吓問吓
阿 Kit 有冇期呢？因為老公話佢化得好呀，我就好鍾意佢 set 啲頭
直到影相當日，10 分滿分嘅話，我地會比 9 分囉！

但係到我地揀相嗰時就扣晒分喇，都未夠鐘係咁打嚟
可能佢地人手上面有問題？唔好理，上去揀相，係一個
叫 Kiri 嘅女仔 serve 我地．．．亦都係因為佢，揀多啲
我地都唔多願，服務態度有待改善！其實篩相對我地嚟講唔難，

因為我地都可以好 picky，以我記得都有五十張 OK
但係因為佢地嘅員工都好趕客，最終都係 33 張相埋單走人呢
其實個攝影師都真係唔錯，又擒高扒低咁，其實都想買多啲

總括嚟講，我地都影得幾開心，因為服務周到
雖然好多人都唔鍾意依啲港式婚紗相，但係我地就相反
可能人在外地，而且愈待愈耐嘅話，只會越來越愛港式？哈

我知好多攝影師都會影條青馬大橋，但係我地懶，鍾意一條龍
當時返嚟只有兩個禮拜，真係冇咁多時間，一條龍服務啱晒！

本來一早打算影深圳既世界之窗, 所以都冇諗住再影香港, 不過見酒樓有coupon送, 又即管去睇下…

結果知道coupon upgrade左之後個package都ok, 所以就join左喇~ join左之後先知, 原來10月會有馬灣影樓, 唔怪得8-9月影相相簿會送珍珠面啦… 不過都冇所謂, 點知影之前sales打電話來, 話可以俾我地free影埋馬灣新景, 咁緊係好啦!!!

影相當日camman同助手都好好, 成日引我地笑, 又好落力, 所以我地都影得好開心, 加上mua既妝同頭都好唔錯, 影出來效果都好好~
咁到揀相時, 可能九龍塘影樓已經冇乜staff, 我地全程自己揀冇人push我地, 埋單雖然都肉痛, 不過始終覺得物有所值, 由service, 化妝, 到出來既product都好好, 好滿意!