我們是在星期六擺酒, 雖然是在一年零三個月前book, 年半內吉日的星期六也所剩無幾。我們選了農曆年前的星期六, 因近年尾, 部分朋友不能出席。

我們擺了22圍, 有live band, 氣氛一流。因我們的朋友都比較斯文, 當天沒有非常喧鬧，所以最能感受那裡的古典氣氛。我們的經理是Terry Leung, 他很細心、 有耐性、有交帶, 有時放假都聽我電話。當天好幫得手。當天跟我的是Michelle, 她也很好, 幫我很多的忙, 又很醒目, 令時間控制很好好。她也經常放好我的裙擺,真係好落力。

我們揀了第二個價錢的menu, 家人說好味。席前小食我也有吃, 很別緻及好味。我完全覺得揀呢度擺酒好正確，也明白點解咁多人揀呢度。

未搞結婚前根本唔知道原來西港城頂樓已經變咗做酒樓，無意中喺esdlife發現咗呢個場，上去佢公司個網望埋啲相，已經知道我心目中o既地方就係佢。完成我o既婚禮之後，望番當日啲相更覺得我冇揀錯，因為喺香港已經好難搵到另一個咁古典o既場，婚禮之後好多朋友都嚟同我講個場好靚呢！

而我亦要好多謝跟我張單o既Ryan同Judy。Judy由一開始跟我哋已經好熱心幫手，有啲人可能覺得佢講嘢好掘，其實佢份人好直接，好多嘢你問佢佢都會幫手俾意見；結婚當日佢全晚跟住我，好多嘢亦全靠佢提點啲姊妹。至於Ryan，初初接觸覺得佢份人好似唔認真，但結婚當日全靠佢幫手，佢同 Judy喺進場路線、圍數安排等等俾好多意見我哋；就連我哋因為一啲背景音樂mp3諗住可以用佢哋電腦播，點知原來佢哋部電腦要用嚟控制燈光，佢即刻搵同事跑番屋企攞自己部notebook，重要因為隻usb某啲歌開唔到，佢即刻上網同我搵！真係好感動呢！

至於婚宴o既招呼同食品，我揀o既係$6588 o既菜單，以我自己食咗o既嘢嚟講就覺得唔錯，我啲屋企人亦好滿意當日o既招呼。我另外亦加咗$1000要佢o既餐前小食，加埋佢哋送o既蛋糕同我哋朋友送o既蛋糕同埋佢餐前提供o既雜果賓治，由我註冊後5點零開始食品同飲品供應基本上係冇停過，我最尾埋單條數就真係只係酒席加埋餐前小食嗰$1000，除此之外再無其他費用啦！

可以加錢轉主題婚宴, 加三千幾蚊可以 upgrade 左 d 椅套、有燈光效果、reception table 有盞水晶燈、每圍桌面有洋燭同花瓣 同埋 3小時鋼琴伴奏 etc...

下面果層可以擺28圍, 有9圍可以擺係樓座, 好似包廂咁既..

我上網看咗好多資料, 心目最鈡意都會海逸酒店及大舞臺. 都會海逸酒店個OUTDOOR大型帳幕好正, 而大舞臺個場好特別. 行EXPO時候,都問咗好多間酒店的資料....其實都幾煩, 有D酒店個場太細, 18圍吾得, 有D太大, 18圍吾夠...

有D GOOD FOR 18圍, 但好似版間房, 無WINDOW, 樓底矮....最重要有d價錢好貴.....好似都會海逸酒店, 加一再加酒水要around 一萬/table, min. charge $140,000...其實我無諗過擺酒可以earn money, 打和就好好.........其實為到$8000一圍都可以接受, 但選擇都吾多....只有causeway bay 的柏寧, 嗰度有大window and 個價錢又岩. 但我個best friend 上年結婚在柏寧擺過, 又系嗰度好似吾系咁好!

好啦到大舞臺, 3月18日個期已經卑人hold咗, 佢地個價錢ok, $6000幾/ table, mon-thurs min charge $110,000, fri- sun min charge $140,000....返到屋企諗諗下不如site visit 咗大舞臺先, 因我BF睇website 都好like大舞臺......

過咗幾日我地就去咗大舞臺睇, 一睇就好鈡意, 但18號已經卑人confirm咗, 所以我們冇即時confirm, 問咗佢3月幾多號系未有人confirm....嘩半個月d期都已經卑人confirm咗, 所以一年前book酒席已經好遲.....因為已經鎖定大舞臺, 但又吾可以18號, 所以就找人擇日lo, 我們兩個都系chicken, 我father個friend( 向temple幫人解簽ga)幫我地擇咗3月21日...321都幾好記, 所以復活節假期嗰日就同咗我爸媽去大舞臺飲茶and confirm la....

好在我爸媽都鈡意嗰度...serve 我地個edmond 都幾nice, 我地加咗3千幾, 有人彈piano, 有椅套, 等等.....

大舞台位於上環西港城, 西港城係有一百年歷史既一級保護建築物, 愛德華式既建築風格, 賣點係個水晶燈, 真係超靚 , 感覺就好似响一間古堡裏面擺酒一樣~

我地今次去剛巧有新人book左黎擺酒, 所以我地只可以由後門上2樓入去睇, 感覺其實同上次開放日睇既差不多, 佢俾我既感覺依然係暗左d, 而且沿路後門入去果條路都幾污糟(始終都係有一百年歷史既建築物麻), 2樓比1樓更加黑沉沉, 不過就更加配合佢既古堡feel, 我覺得依個場係靚既, 但係唔知點解無好好好想响度擺酒既感覺, 始終覺得爭左少少野, 但又講唔出爭左d咩…

我睇得出小俊子好鐘意依個場, 响博藝會佢都無問咁多問題, 反而响度就問得好清楚, 而我呢……我又唔係唔鐘意依度既…不過伯母就好似唔係好鐘意, 係一入黎第一個感覺已經唔鐘意, 佢話唔似擺酒既地方喎…

又話d地方好似好污糟咁, 又話個教堂窗攪到好唔似黎”飲”咁….
後來我諗諗下, 點解伯母會有咁既感覺呢? 我估係因為依度太有古堡feel, 令人會聯想起响古堡同吸血疆屍同進晚餐既情境 , 雖然係好靚既地方, 但始終擺酒係喜事麻, 同依d恐怖情節好似拉唔上關係, 所以先會有格格不入既感覺……

我覺得既然連伯母都接受唔到, 可能其他年紀大d既長輩都未必接受到, 我真係唔想佢地黎我既婚禮會食得好唔安樂, 感覺怪怪, 我既婚禮應該係充滿喜悅、浪漫、感動既童話式婚禮麻!!!